Homber deteni na Rooi Bosal pa atraco di joyeria na Ritz Carlton

10525

Apesar di e problema di coronavirus, Recherchenan ta sigui cu nan otro trabou di investigacion di e diferente casonan di atraco cu tabatin e aña’ki. Den marduga di sorpresa, a tira un inval.

Polis a informa cu en conexion cu un investigacion andando a haci un entrada hudicial na un cas na Rooi Bosal y a detene un sospechoso, hende homber y naci na Aruba. Na e momento aki no tin mas dato di e persona.Pero si t’asina cu ta sospecha e persona di tin di haber cu e atraco cometi na e joyeria na Ritz Carlton den luna di januari 2020.

Na e entrada hudicial a haci uzo di Arrestatie Team pa detene e persona aki. Te aworaki tin dos persona deteni relaciona cu e caso di atraco, un homber Venezolano y un señora local.

Mientrastanto Cuerpo Policial a manda informacion adicional. E personanan deteni madruga sospecha di atraco ta di inicialnan L.L.G. di 24 aña naci na Aruba como tambe un persona cu ta ilegal riba nos isla di inicialnan H.A.R.M. di 34 aña y nasi na Venezuela

Durante entrada hudicial a confisca un auto y un brommer na sitio relaciona cu e investigacion andando.

Homber deteni na Rooi Bosal pa atraco di joyeria na Ritz Carlton

Homber deteni na Rooi Bosal pa atraco di joyeria na Ritz Carlton. Click link pa mas https://24ora.news/2xdoArU

Posted by 24ora on Wednesday, April 8, 2020