Un homber a keda deteni dos biaha den mesun marduga. Den un lapso di un ora a detene dos biaha. Tabata algo pasa di 5or cu a atende e prome caso. Banda di 5or y 10 di diadomingo marduga, un pareha tabata discuti dilanti Misa di Noord. Dimes pafo riba caya banda di parade di bus.
Cos a bay for di man y a yama polis. Rapidamente dos patruya a yega na e sitio. A topa un homber discutiendo cu su pareha y polis a bay atende cu nan. E dama a conta polis cu e homber a cuminsa trate malo y ta tira palabra pe y a cuminsa dale. Net e momento ey un auto cu dos homber a para y nan a baha bay bringa cu e homber y dune un sota pa e sa cu muhe no ta pa dal.
Net un rato despues polis a yega na e sitio y ta papia cu e homber y ora polis a bay puntre pa su ID el a cuminsa bira agresivo cu polis y a detene. El a resisti pero a domine despues a hinke den auto. A pidi presencia di dogcatcher pa asina transporta e homber pa warda di Shaba. Polis a bisa e dama kiko e mester hacsi pa cana su caminda. Despues e dama hunto cu su amiga por a sigui nan caminda pa cas.
Ora e homber a ser presenta dilanti Sub Fiscal e cos a dura poco. E Sub Fiscal a dicidi di laga e homber bay pasobra el a bisa cu e lo comporta su mes. Algo pasa di Net algo prome cu 6or diadomingo mainta patruyanan di Playa a bay na un adres na Solito.
Rapidamente patruyanan a yega y ta bin topa cu e homber cu un rato prome tabata deteni pa maltrato na Noord. Durante su detencion dilanti di misa di noord el a wordo hiba warda di Shaba pasobra a maltrata su pareha. Despues di un rato cortico a haya su libertad.
Ora Polis a yega Solito a topa cu e mesun homber. Polis a bay over na detencion atrobe pasobra el a bolbe dal su pareha. E dama no kier mire mas pasobra mas biaha el a dale den un solo anochi. E biaha aki e homber a haya un cuarto gratis y na Santa Cruz pa e sosega su curpa y atende pa e maltrato cu el a comete.
