Homber desconoci a core drenta cas di hende y pidi nan pa no yama Polis

5609

Awe mainta pa mas o menos 10:00am a pidi presencia di Polis na Macuarima pa un persona desconoci cu a core drenta un cas. E homber a bisa doño di e cas pa no bisa nada y pa no yama Polis.

Pero e doño di cas no a confia e asunto y a pidi e homber pa sali for di su cas mesora. Ora el a ripara cu e homber no kier sali, el a opta pa toch yama Polis mesora pa notifica nan di e suceso. Dos patruya di Polis a yega rapidamente y a detene e persona den cas pa hib’e Ward’i Polis.

Homber a drenta cas di hende na Macuarima y pidi pa no yama Polis. E no kier a sali, pues a yama Polis toch! A deten'e mesora.

Homber a drenta cas di hende na Macuarima y pidi pa no yama Polis. E no kier a sali, pues a yama Polis toch! A deten'e mesora.Pa mas info: https://24ora.com/homber-desconoci-a-core-drenta-cas-di-hende-y-pidi-nan-pa-no-yama-polis/

Posted by 24ora on Saturday, August 15, 2020

E doño di cas a laga sa cu e mes no conoce e persona aki y cu e no tin ningun idea pakico e homber a core drenta den su cas. Na Ward’i Polis lo mester purba saca‘fo e motibo di e actuacion straño di e homber desconoci aki.