E homber cu a sak den otro na CITGO Wayaca dialuna anochi ta Orlando Montilla, naci na Venezuela, pero biba na Aruba y tin apenas 42 aña di edad. E tabata bende joyas pa un joyeria conoci. Fuentenan cu tabata presente a confirma cu e victima a caba di sali for di e departamento di Spoedeisende Hulp na Hospital. Parce tabata basta druk y e no a desea di warda.
E tabatin dolor na pecho y pesey a bay pa mira si nan por a atende. Mirando e drukte a opta pa bay cas y pidi ambulance pa bay directo pa haya yudanza. E tabata cu un famia den auto. Na caminda pa cas a pasa coy gasolin na CITGO Wayaca. Eynan el a haya ataca y a fayece mesora.
Kizas si el a Warda na Departamento di Emergencia e por a wordo yuda. Den e caso aki e drukte a pone opta pa un “easy way” pa yega cu ambulance y drenta mas rapido y den e proceso el a haya un ataca di curason. Un biaha mas paz na su restonan y hopi forsa na su famia.
