Algo pasa di 3or y 45 Diadomingo atardi polis di Oranjestad a bay na un cas na Madiki Kavel pa un cellular perdi. E doño di e celular a track e cellular y riba GPS ta indica cu na e cas na Madiki Kavel su cellular perdi ta. Polis a yega na e adres indica y net e doño di cas a yega.
E doño di cellular a splica polis cu un poco mas pabou e ta biba y pa un of otro motibo su celular lo a cay pafo di cas y un persona lo a pasa na pia y a pasa man pa e celular bay cune. Mesora el a cuminsa track e celular y a bin localize na e adres na Madiki Kavel. Parce cu e ta den un apartamento. Polis a papia cu e doño di e cas. E doño kiermen e no sa nada.
E doño di e celular a yama riba e cel perdi pero ningun hende ta contesta. Polis a splica e doño di cas si e persona haya e cellular den e apartamento pa e entrega esaki na warda di Playa pa asina e doño por pasa buske. E doño a papia cu esnan en e apartamento di e cas y tur ta bisa cu nan no tin cellular di otro hende den nan poder.
