Homber burachi a spanta turistanan den “Che Bar”

3877

Awe nochi pa mas o menos 9:30pm a podi pa presencia di Polis na “Che Bar” situa den Paseo Herencia Mall riba J.E. Irausquin Boulevard. Ey a topa cu un homber cu tabata bebe eyden y a bira fastioso. El a cuminsa insulta e trahadonan y trata nan masha malo. Turistanan sinta ta relaha den e bar a spanta masha. 

Na momento cu Polis a yega eyden a constata cu berdad e homber tin un actitud. A purba intermedia pero esey no a yuda cu nada. En bes di zundra e trahadonan di Che Bar, e ora e homber a cuminsa insulta e Polisnan. No a keda nada otro cu deten’e na e sitio y a pidi pa transporte policial yega pa por dun’e un cabe’i boto pa Ward’i Polis. 

Eynan lo presenta e homber burachi dilanti un Sub Fiscal pa tuma un decision riba su detencion. Buracheria publico ta un delito pa cual ta cera Bo un anochi den cel te ora bo wayaba pasa y por comporta normal atrobe.