Diasabra marduga tabatin un auto bou di un mata den Spaanslagoenweg y p’esey dos unidad policial a presenta na e sitio pa investiga. Na nan yegada, di biaha a bay check e situacion y a bin topa cu un homber drumi den e pickup Isuzu color blanco.
A ripara cu e homber tabata bou di influencia y cu e den e pickup tabatin diferente boter di alcohol. Aparte di a mira tur boter den e pickup, tambe a mira cu tabatin un cashi mara na dje. E agentenan policial di biaha a cuminsa lanta e homber pa saca afo informacion for di dje.
Na momento cu e homber a lanta, e tabata papia bruha y su lenga tabata pisa. Un di e agentenan policial a yama y pidi asistencia di transportwagen. Na yegada di e auto policial, a hinca e homber den dje y transporte pa warda di polis p’e bay baha su haltura den cel. Tambe a pidi pa un takelwagen presenta na e sitio pa hiba e auto na warda di Balashi pa mas investigacion.
