Diasabra, algo pasa di 10:30 di anochi, polis di strandpolitie y di e departamento di trafico, a bay den e parkinlot di Palm Beach Plaza, caminda cu una auto lo mester a pasa riba pia di un mucha.
Na momento cu nan a yega, y a mira e mucha, nan a pidi asistencia di ambulance pa asina bin duna e damia prome auxilio. A detene e chauffeur mientras tanto, kende a maneha e auto envolvi, esta un Chevrolet Aveo color blanco y tabata bao di influencia di alcohol. Cu transportwagen a transporta e homber pa warda di Shaba pa e para responsabel pa su actonan.
