Actualmente tin un persona arma de un cas na Tanki Leendert, kende lo a secuestra un dama. Vocero policial, Lito Lacle a splica cu polis ta negoshando cu e persona en cuestion. Den e cas den un camber tin un pareha cu arma blanco den wega. Ta negoshando pa asina yega na un punto cu nan por sali fo’i dje camber y sali for di e situacion.
Tin hende special pa por negosha cu e homber. No ta algo cu den un rato lo keda cla. Ta algo cu polis y e persona envolvi mester ta conforme cu ne, pa sali for di e situacion sin uza nada.
Loke kier logra pa e persona sali for di e camber hunto cu e persona cu e tin teni. Intencion ta pa e dama sali sano y salvo.
Ta trata di un persona stranhero. Aparentemente su papelnan di permiso no ta cla. Ta temanan di negociacion awor aki, segun Lacle. Ta importante pa por negosha esaki tambe, segun e vocero. E ta sigui bisa cu posiblemente desesperacion lo ta cu e no a haya su permiso.
Ta trata di un melding cu a drenta via Centrale Post. For di aki a bati alarma pa trece e teamnan pa por negosha cu e persona pa asina yega na un situacion satisfactorio pa tur dos.
Den e situacion cu ta awor aki, no tin un bista paden. Polis ta negoshando via un porto y poco poco ta purba di yega na cierto solucionnan. E persona ta contesta via e porta.
E persona tin demanda. Por ehempel con ta cu su permiso. Ta un di e demandanan cu e ta pidi y ta hopi importante pa regla esaki. E team negociado ta riba bao. Ta negoshando cu e persona y cu negociando cu cierto hendenan pa asina sali gana.
Lacle a splica cu e papel di ta ilegal na Aruba ta uno administrativo y no ta castigabel pa ley. Ta cosnan cu ta yega na un negociacion y un situacion gana. Di tur dos banda tin cu coopera cu otro. E intencion no ta pa haci e persona algo, sino pa tur dos sali sano y salvo.
Polis kier libera tur dos persona. E tarea di polis no t’ey pa haci ningun hende daño.
Ta keda negosha te ora cu yega na un solucion.
Segun informacion adicional, ta trata aki di un persona Dominicano y cu recientemente Guarda nos Costa a gar’e y cu lo a huy. Tin papia cu ta trata aki di un persona peligroso y ta cana arma. Hendenan cu conoce a confirma cu e tin arma di candela. Ta un persona cu posiblemente lo ta uza substancianan prohibi, cu ta pone cu e ta bira di e forma aki. Keda pendiente pa mas destaye riba e caso.
