Hòmber alkansá pa bala durante di atrako

Djabièrnè dia 28 desèmber 2018, alrededor di 21.31 or, Sentral di Polis a dirigí un unidat pa Penstraat kaminda tin un hòmber ta grita pa yudansa.
Na yegada di e unidat na e sitio, polis a topa ku un hòmber drumi abou ku herida na su pia drechi. E víktima aki di 47 aña di edat a deklará na polis ku un ratu promé, un hòmber bistí na pretu a tir’e i bai ku su tas ku pertenensia.
E víktima e risibí dos impakto di bala na su pia drechi i ambulans ku a yega na e sitio a transportá e víktima pa Poliklínika di SEHOS pa tratamentu.
Tim di Atrako ta kontinuá ku investigashon den e kaso aki.

Comments

comments