Un situacion fastioso a surgi den oranan di marduga. Polisnan a bay pa un asistencia y a topa cu un homber zonza pa golpi cu el a haya. Esaki a sosode tambe durante Toque de Queda.
Awe un poco despues di 1.30 di marduga por a nota presencia di polis den Zuidstraat, cu ta e caya net patras di Warda di Polis bieu na Playa. Segun por a tende eybou, ta papia di maltrato.
Despues por a compronde cu e homber a yega na un banda di un cas den oranan laat aki di marduga ta pidi awa. Pero ta parce cu e persona cu el a stroba den oranan di marduga no a aprecia e molester na e oranan laat aki y pio den TDQ y e homber a haya sla. El a bisa cu e ta bay entrega keho.
E polisnan a busca den bisindario pero no a topa cu ningun hende lanta cu ta cuadra cu e descripcion duna.