Diaranson mainta tabatin caso serio cu a tuma luga na Seroe Blanco. Un di e tantisimo casonan cu ta sosode den circulo familiar y hopi biaha no ta sali na cla: Violencia domestico.
Diferente polis a yega na e cas na Seroe Blanco y tambe por a scucha un rato despues cu a manda pidi Slachtofferhulp. Na mesun momento un di e patruyanan cu a yega na e sitio a transporta un homber pa warda di Polis Playa.Segun por a compronde, e homber y su pareha tabata den discusion y dado momento e homber a pasa man cu un cuchiu y a hinca su pareha.
Con e hinca a resulta te na su pia no ta conoci, pero por ta cu esaki a sosode ora cu e señora a cay na suela y tabata tratando di evita cu e cuchiu ta alcanse. No ta conoci tampoco si tabatin mucha na cas e momentonan ey.Polisnan a papia cu e señora na e sitio, pero e no tabata desea di bay hospital pa tratamento medico.Como victima hopi biaha bo ta sinti cu no tin nada otro cu bo por haci, no ta entrega keho y ta purba rescata e relacion na bienestar di yiunan y/o e amor cu tabata tin den pareha. Ban brinda otro e sosten cu mas mester den momentonan asina pa asina
