Homber a haya un bon scual di Polis y manda cas “per direct”

Awe marduga, pa mas o menos 12:00am, a spacha varios unidad di Polis pa Pos Chikito, pa un homber cu a corta su pols.

E mes a yama su famia pa bisa nan cu el a corta su polsnan. Na un prome instante no a topa e auto n’e luga indica pero despues di poco buskeda y mas yamada, a top’e na Santo Largo.  

Ta trata di un homber den un auto marca Toyota modelo Yaris color preto, di cual su doño ta biba na Savaneta. A topa cu e auto para na Santo Largo, e auto tabata hinca bou di un mata. Polisnan a para wanta pica di sangura pisa pa por a logra haya atencion di e homber, sinta den su auto. 

A atend’e pisa pa su comportacion, pa a yama spanta su famia y activa Polisnan pornada. A splic’e cu si tur hende lanta loco ripiti tipo di practicanan asina, cu polisnan lo ta man yen henter dia. A orden’e pa e bay su cas mesora, disculpa cu su famia y pa e busc’un soño tambe. 

Polis a sigui su tras pa ta sigur cu e ta bay cas y evita cu lo tin mas asistencia pa e homber aki, cu ya tin un edad avansa caba. E motibo dicon el a recori na e practica aki, no ta conoci. Pero no tabatin mas asistencia pe awe marduga tampoco, pues ta spera cu el a bay sosega y saca mal ideanan for di su cabes.