Polis a bay na un cas na Pos Chikito, caminda cu un dama a mira ruman homber di e conocido CK ta bula cura di cas di su bisiña. Eynan e dama a splica cu e ta tene e cas den bista, pasobra den pasado ya caba varios material di construccion a wordo horta. Polis a controla e cas bashi y riba e tereno a bin topa cu e conocido RAK, kende tabata canando rond cu un tas yena cu mango cual el a piki for di un palo. Telefonicamente a tuma contacto cu e doño yama J., kende a declara cu e lo duna keho di ladronicia, pasobra e no a duna permiso na ningun hende pa subi su tereno y horta su cosnan. Den oranan di mainta e lo bin warda pa duna keho. RAK a keda deteni y mustra riba su derechonan, pa despues hiba warda di San Nicolas, unda cu el a aparece dilanti di fiscal auxiliar, pa despues encarcela pa mas investigacion.
