Diaranson atardi ambulance ta bay cu alarma direccion di Sabana Basora, unda cu segun diferente yamadanan cu a ricibi, un homber a cay for di dak.
A resulta cu na e cas na Sabana Basora 41, cu ta un cas di dos piso bou di construccion, a bin topa cu un homber benta na suela. E tabata kehando di dolornan na su pecho y cu un kap den cabes.
Bisiñanan den cercania a sali y purba na yuda y remedia e situacion y ta esnan cu a bati alarma.
Personal di ambulance a stabilisa e victima y a bay cun’e pa tratamento mas avansa.
Por a nota un stellage medio gekentel y cu e victima lo tawata trahando cu e panchinan di e dak. Remarcabel ta cu no ta tin ningun ekipo di siguridad pa e haltura cu e tawata.