Diasabra anochi un persona a yega y cuminsa papia cos bruha cu e trahado di e Car Wash situa net pabou di CITGO Santa Cruz. A nota cu e persona aki tabata sangra for di nanishi y dado momento a cuminsa core manera loco di zuid pa noord.
Aki clientenan a spanta y lock nan mes den auto. A yama Polis pasobra hasta e persona tabata papia cu el a dal hende cu auto.
Na yegada Polis a mira e situacion y pa siguridad di esunnan presente y pa e persona mes, a dicidi di deten’e. Durante e wardamento riba e transportwagen, e detenido a sigui papia yen cos bruha, manera cu nan a saca arma riba dje, cu un homber a sigui’e y cu e homber tabata sinta den su auto.
A haya basta dificultad pa hinca e homber, cu tabata resisti fuertemente, den e van di Polis.
