Homber a bira “Hulk” y kibra camisa di Polis

3161

Diadomingo tabatin un caso cu Polisnan mester a atende cu a resulta di ta un homber hopi agresivo cu no por a rasona cun’e, el a bira manera un Hulk. Na e sitio tabata papia di un caso di pleitamento cu a caba den maltrato. E hecho aki a tuma luga na Sero Biento.

E homber tabata manera un Hulk y no tabata kier a scucha di e Polisnan. Nan mester a detene, pero e no tabata coopera pa bay cu nan den un forma trankil. No sa di unda el a saca asina hopi forsa, pa cual e Polisnan na e sitio mester a pidi refuerso di nan colega y e transportwagen.

Den e lucha pa hink’e den transportwagen, el a kibra uniform di e agentenan. Sea e Polis of e detenido mester a resulta herida, pasobra por a mira mancha di sanger.

Mirando e situacion aki, e auto di transporte mester a yega te cerca di e celnan pa baha e detenido y hink’e di biaha pa evita cu e ta lanta cu nan.