Comerciantenan chikito cu negoshi na waf chikito, a pidi 24ora.com denuncia un situacion a-hygienico cu nan ta bibando aden tur dia.

Na waf tin diferente hoki unda comerciantenan ta bende t-shirt, artesania, etc. Nan clientenan pa 99% ta turistanan, sea di crucero of esnan cu ta keda hotel. Esaki ta loke ta haci e situacion mas fastioso. Un holo masha malo mes, di riool, ta sali for di e rand di trottoir y ta plama pa henter e area eynan.

Comerciantenan di waf chikito disgusta cu mal holor di riol y DOW parce ta man crusa sin haci algo alrespecto!

Posted by 24ora on Thursday, December 5, 2019

E hecho cu nan a yama 24ora.com pa denuncia e asunto aki, no ta pasobra e ta algo cu a sosode awo sino ta debi na e hecho cu nan buchi a yena. Ta hopi tempo caba nan a bin ta kehando riba e situacion y awo ta exigi p DOW haci algo, busca un solucion cu e situacion aki. Tin un tapa na e riool cu ta den estado deplorabel pa cual pa dos luna caba ta pidiendo DOW pa drecha esaki.

E holo t’asina desgradabel cu hopi turista ta dicidi di sigui cana y busca otro luga pa haci nan compranan.

Segun e comerciante Evelina, un comerciante chikito, no solamente DOW pero City Inspector tambe a wordo poni na altura di e situacion aki. “Tur dia e holo tey y nos ta perde benta di e forma aki,” el a bisa. Algun biaha cu nan a yama, a haya como contesta cu e pomp a daña y p’esey ta hayando e holo malo. Sinembargo e comerciante ta bisa cu ta tur dia nan ta traha den e holo ey, cu tin stoma di e comerciantenan daña. Ni WC nan no por bay pasobra e holo ta fuertemente penetra eyden tambe.

Den pasado tabatin e holo aki pero awo el a bira pio. Turistanan ta puntra tambe di unda e holo ta bini. “Nan ta coy t-shirt pa wak pero ta pone bek y bay for di e sitio.”

A yama DOW diahuebs atrobe, pero a bisa nan cu no por manda hende, sino te diabierna. E situacion ta tristo,  segun e comerciante, pasobra tin dos barco grandi aden. 

Comments

comments