Diadomingo atardi a avisa Polis y Bomberonan pa yega pura na un Rancho den Safir, na Noord. A bisa cu e Rancho di Cabay ta na candela y ta forma peliger pa e cabaynan. Dos unidad di Polis a bay cu sirena y lus blauw pasobra ta un emergencia. Nan a hinca nan bida den peliger riba caminda.
Ora a yega na e Rancho no tabatin nada di candela grandi. Mas bien e persona cu ta atende cu e Rancho na Safir a cende un tiki sushi den bari. Casi e no tabata saca huma.
Prome cu unidad di bombero a yega e Polis a cancela e unidad cu tambe tabata na caminda cu emergencia. Polis a papia cu e doño di e Rancho cu ta basta aleha den mondi.
El a splica cu ta un bisiña specifico cu a bin biba eybanda ta yama Polis causando basta peliger pa unidadnan riba caya bayendo pa un supuesto emergencia. Despues di un splicacion, e Polisnan a sigui nan caminda.
