Diasabra mainta a cuminsa cu e Youth Tech Event. Esey ta e prome evento cu SETAR a organisa pa hubentud di Aruba. Tabata tin tres diferente badge, manera Gold, unda cu por a experencia e evento henter dia, manera workshops y presentations. Tabata tin Silver, cual ta mas pa e presentation y e experience room. Pa e General, cu ainda ta disponibel pa esnan cu kier bin, por drenta e experience room, cu riba su mes caba ta basta ora bo por pasa den dje cu tur e boothnan cu tin eyden, cu diferente topico riba tecnologia.
Segun Roxanna Ras, marketing manager na SETAR, e General ta 5 florin so. E no ta algo caro. Ta djis bay na Hilton. Tin e booth pa cobra e entrada y por drenta di biaha pa e experience room di SETAR.
SETAR hopi biaha ta wak na Aruba, cu ta organisa hopi evento pa negoshi, pa adulto, pa enrikece nan profesionalismo. Pero no tin nada pa hubentud. Den pasado a yega di haci gaming events y a pensa bin cu algo cu por educa e hobennan tambe y siña kico tur por cu tecnologia.
For di eynan a bin cu Youth Tech Event. Ta un concepto di un conference, cu no solamente tin workshop, presentation, tin un area cu tin diferente booth cu por experencia cosnan di tecnologia, pero tambe ta bay tin orador internacional na final di dia y merdia tabata tin Ryan Peterson cual a duna con mundo ta bay ta cu tecnologia.
E evento ta te cu 6’or di atardi. Si ainda kier bin wak e experience room, pasa na Hilton y si tin luga pa e oradornan, tambe por drenta y experencia kico ta e mensahe cu tin pa nos.
