E fundacion Artistar ta bay tin un evento dia 10 di augustus, den Excess Ballroom na Paseo Herencia, cuminsando pa 7’or y cabando pa 10’or di anochi. Esaki ta un actividad p’asina duna e hobennan e oportunidad pa demostra nan talento.

Segun Bertha Yvonne Wolff-Croes, presidente di Artistar, tin tres categoria, 10-13 aña pre-teen y tambe tin esun di 14 pa 17 aña teen y por ultimo tin pa e hoben adulto di 18 pa 25 aña. Esaki ta bay ta un actividad caminda cu e hobennan por expresa den e genero cu nan gusta y lo ta compaña cu un pista y un semilive band, p’asina haci e anochi aki uno hopi atractivo pa nos hobennan.

Hobennan por bin demostra nan talento durante Pop Fest Aruba dia 10 di augustus

Hobennan por bin demostra nan talento durante Pop Fest Aruba dia 10 di augustus. Click link pa mas https://24ora.tv/2JvzFrJ

Posted by 24ora on Thursday, July 11, 2019

Entrada ta 15 florin y lo ta disponibel na final di e siman aki y na luganan caminda cu e hobennan ta frecuenta constantemente. Ta bay tin sigur na Ritz, tanto na Boulevard como Savaneta. Tabata tin ultimo na Boutique Keyla na Paradera. Eynan semper nos hendenan ta yega y ta central pa Paradera. Otro luganan unda ticketnan ta bay ta disponibel ta Santa Cruz Bar & Restaurant y na Dilailah Beauty Clinic na Noord.

Michelline Abreu ta promotor y organisador tambe di Artistar y el a comenta cu su rol ta acerca tur e muchanan, haciendo e promocion di tur e actividadnan cu nan lo bay haci for di awo te den futuro y tambe haciendo mercadeo.

E logro ta pa tur hoben cu ta eyfo cu tin un talento y kier mustra nan, esaki ta e oportunidad pa nan cuminsa sali afo. E ta cualkier genero cu bo gusta, bo por bin, ta scoge bo cancion y bo ta subi demostra bo talento.

Abreu a splica cu awor aki no a pone un deadline, door cu ta wardando pa e hobennan inscribi. Tin 20 mucha caba cu a inscribi, mirando cu nan kier yega 30. Ora cu yega completo, ta anuncia esaki riba nan pagina di Facebook, cu e inscripcion a cera.

Por pasa e cantidad aki, depende con hopi acogida nan haya durante e inscripcion.

Invitacion ta bay na e hobennan pa bin inscribi. Nan tin un pagina di facebook y yama Popfest Aruba. Eyriba tin un flyer, caminda cu por haya tur informacion. Eyriba por manda nomber completo, edad, e cancion cu bo kier scoge y tambe un ID valido. Tambe nan tin un email cual ta [email protected] of tambe por manda e informacion riba e number di contacto cual ta 5686318

 

Comments

comments