Den careda di 12’or di madruga, trahadornan di Texas de Brasil tabata preparando pa bay cas, ora cu na dado momento nan ta sinti hende canando riba e dak. Mesora a yama polis pa nan bin controla riba e dak. Flexteam y patruya di Noord a presenta y a subi riba e dak, pero no a wak ningun movecion. Despues cu e manager y Flexteam a bay paden di e restaurant pa asina wak si ta logra gara hende paden, na salida di e oficina Flexteam ta wak paar di hoben bahando for di e dak. Di biaha a skwal e 3 hobennan aki. A puntra nan ta kico nan tabata haci riba e dak den oranan di madruga. Un di e hobennan, un damita a contesta cu nan a bin wak e bista di Aruba for di e dak di Texas de Brasil den madruga. Flexteam a tuma tur dato di e hobennan aki y a splica nan bon cla cu si tin algo kibra of otro daño, nan mayornan lo para responsabel pa nan acto. Despues di un rato polis a core cu nan for di e sitio.
