Hobennan deteni pa candela mortal na Arnhem

Polis a aresta dos hoben despues di un candela fatal na Arnhem. Ta trata aki di dos mucha homber di 12 y 13 aña bieu. A sacanan diaranson mainta for di e flat, unda e candela a tuma luga den oranan di anochi.

E dos hobennan aki ta wordo oficialmente sospecha di ta posiblemente envolvi den un candela provoca cu a resulta den morto, segun vocero di polis.

E candela aparentemente a tuma luga door di vuurwerk, cu a drenta den e flat y lo a bay cay den hal. Con esaki precisamente a tuma luga, ainda ta wordo investiga, como tambe e rol di e muchanan.

Un homber di 39 aña y un mucha di 4, a perde nan bida door di e candela. E mama di 36 y e yiu muhe di 8 aña a keda herida.

E famia for di Arnhem tabata di bishita den e flat y tabata para na e lift ora cu e candela a tuma luga. Coriente den e edificio a bay door di e candela, caminda cu e famia a keda pega den e lift.