Ya pa ocho siman tin hobennan ta bezig cu un proyecto cu yama “Conectando” caminda cu tres biaha pa siman nan ta traha na un werkplaats y dos biaha pa siman nan ta haya Sociaal Vaardigheidtraining, pa empodera e hobennan, cu na momento cu nan subi mercado laboral, nan por mantene e trabao.
Seraida Pemberton-Leonard, directora di Stichting Reclassering, a splica cu un di e actividadnan cu tin ta cu e hobennan ta haci creative therapy, bao di guia di artista local Vanessa Paulina. Nan ta creando arte aki. Cu terapia creativo ta cu ta purba di pinta, saca bo emocionnan den e arte.
Dia 12 di december, e hobennan a devela nan pinturanan. Pa esaki pueblo a wordo invita pa asina nan por bin y mira e diferente cuadra y otro cosnan cu e hobennan a produci.
E idea inicial tabata pa haci e dia aki un subasta y fundraising, den cual tabata purba di recauda fondo pa por sigui cu e proyecto.
Pero mirando e temporada di pasco, cu tur hende tin diferente gasto, a opta pa haci dia 12 un softopening, caminda cu a invita tur hende pa mira e pinturanan y duna sosten na e hobennan. Esey ta principal pa laga e hobennan sinti y mira cu locual nan a haci toch ta balora.
Dia 21 di januari lo bay tin clausura di e subasta. E ora ey lo invita e tres biddersnan, esunnan cu a bid mas hopi placa pa e pinturanan, cu nan lo bin e dia ey pa nan por bid y wak ken ta gana e premio.
E pinturanan lo ta na BazRRR Galeria & Brasserie te cu dia 21 di januari, 2020 y pueblo por pasa wak y aporta of wak si nan kier bid na un di e cuadra nan.
Segun Pemberton, lo tin posibilidad pa haci un donacion pa loke ta e proyecto di Reclassering. Si kier haci un bid lo por pone eynan. Ta invita pueblo di Aruba pa bin BazRRR Galeria & Brasserie den Emmastraat pa mira e obranan aki.
Pa esnan cu a cumpra carchi ta pa dia 21 di januari, caminda cu lo bay tin celebracion y esnan cu a bid por haya nan pinturanan.
