Joe Cardona, miho conoci como LLevo LLevo, ta doño di Cardona Transport Service cu ta bende y deliver material di construccion. Pero e biaha aki Cardona tin un problema.

Personanan desconoci a subi su tereno y a bay cu algun cos. Y lo mas tristo ta, cu esaki a wordo cometi door di ta hobennan escolar. El a conta cu dialuna atardi, el a topa cu dos persona den un di e cuartonan cu e tin. Uno yama Juan David y e otro ta Aaron. El a tende cu nan ta biba den vecindario di Madiki. El a logra wanta un di nan, cu polis a bay cun’e.

 

Hobennan a horta mas cu 3500 florin na material di LLevo LLevo na Bushiri

Hobennan a horta mas cu 3500 florin na material di LLevo LLevo na Bushiri. Click link pa mas https://24ora.tv/2KWdThO

Posted by 24ora on Tuesday, June 18, 2019

Door cu Cardona a yega na tempo, nan no a logra horta. Sinembargo e tabata tin algun cos prepara pa bay cun’e. Entre otro luz, boormashin, etc. Un di e ladronnan a bisa cu e intencion tabata pa bay cu e cosnan. Na e momento cu Cardona a bay haci e denuncia, e no a pidi nada contra Juan David, pasobra el a tende cu ta mucha cu ta bay scol. El a pensa cu por tabata un mucha den mal compania y mal bida. A dun’e chens, door cu no a logra horta nada, door cu el a yega na tempo. E no a pensa cu e intencion tabata pa bin bek. Cardona ta sospecha cu despues di 11’or di anochi, e muchanan aki a bin bek.

Cardona no sa si ta e mes of su compinchinan, pero na e ocasion aki, si nan a kibra e dos portanan y nan a horta cantidad di cos di dje. Manera un compressor grandi cu Cardona ta uza pa su trabao. Nan a bay cu un bicicleta Hulandes.Nan tabatin intencion pa bay cu dos, pero nan a laga un na caminda y Cardona a logra hay’e bek. Nan a bay cu un compressor, bicicleta, motor di brommer y gearbox di e brommer.Den un otro camber nan a bay cu un toolbox pata pata di herment pa drecha problemanan mecanico di auto. E otro toolnan tabata pa drecha problema di coriente, manera tester, diferente pins. Nan a bay cu un set di cuchiu di cushina profesional den diferente tamaño, varios extension cord, un boormachine cu tabata den e cuarto tambe. Y diferente sorto di articulo cual Cardona ta uza pa su trabao. Ta articulonan cu ta di un balor cu ta varia di 3 pa 4 mil florin.

Keho

Cardona a bay warda di polis bek mainta, pensando cu e persona cu nan a detene e dia anterior ta eynan ainda. Pero a resulta cu door cu e no a entrega keho, a laga e mucha homber aki bay e mesun atardi 6’or.
Fiscal a bisa cu ya cu no a pidi nada contra e persona, nan a lage bay. Cardona no a sospecha cu nan tabata tin e intension pa bin bek y horta, manera cu nan a haci. Cardona ta kere cu polis mester pasa bek busca e mucha homber aki y saca afo ken ta su compinchinan pa e por haya su cosnan bek.

Kico awo

Awo, Cardona tin pensa di cuminsa haci su luga mas safe y caba di cera e tereno. E tin un tercera parti cera, pero ainda falta un parti cu ta djis cu un baricada di sushi, unda e ta sospecha cu nan ta pasa. Y tambe pone un cacho brabo pa alarma na momento cu algun hende drenta su tereno. E lo pone camara y luz cu sensor.

Nan no ta conoci

Pa loke ta e hobennan aki, Cardona no conoce nan. E no ta corda e mucha hombernan aki y no sa ken nan ta. Awo cu el a mira potret di Juan David, el a yega di wak’e, pero no cu e conoce. Nan ta mucha y Cardona no ta paga mucho tino riba mucha. Den e caso aki si, door cu nan a hort’e. Awo si el a ripara ken nan ta. Antes, e no tabata conoce nan.

Comments

comments