Diabierna atardi 24ora.com tabata live cu famia di e hobencita di 15 aña Ashlie Ortiz kende tabata tin dos dia perdi. Algun ora despues e noticia a drenta cu e hobencita tabata pafo di Warda di Polis di Shaba.
Segun nos por a compronde for di Ashlie su tio e personanan cu Ashlie tabata cu nan lo a lague pa su cuenta dilanti di warda.
E ta gradici 24ora.com cu a yuda pa asina e mensahe por a yega. E tio ta insisti cu personanan di e misa Hosana na Playa y e hobencita su madrastra lo a manipula e hobencita su pensamentonan cu e no kier a regresa cerca su famia cu ta responsbel p’e. Despues di e crisis actual di corona virus e famia tin pensa di entrega keho y un demanda contra esnan cu tabata cu Ashlie.
