Cu urgencia a dirigi varios unidad di polis como tambe ambulance den e compleho di casnan na Bushiri. Aki a bin topa cu un hoben abou y cu no tabata duna señal di bida.
Esaki a sosode den careda di 10:00 pm. Na sitio ta informa polis cu ta trata aki di un hoben di aproximadamente 19 aña di edad, kende a caba di opera y esey a causa cu na momento cu el a cay, e no tabata duna señal.
Esey a pone cu varios unidad di polis y ambulance a presenta na e sitio pa mira e situacion di e hoben. Ambulance a hiba e hoben aki cu hopi urgencia hospital pa tratamento medico avansa.
