Omar Kuiperi a hoga sambuyando na Pedernales

Pa 12’or y 55 di awe merdia, a bati alarma cu a perde un persona riba lama cu mester a bay “free dive” na altura di e barco Pedernales. Lamentablemente pa 1’or y 15 di merdia, a informa Polis cu ya nan a yega cu e curpa na Moomba Beach.

Personal di ambulance a yega na e sitio y a purba reanima e hoben, pero envano.

Pa 2’or y 15 di atardi dr. Texeir a constata morto di e Omar L. KUIPERI naci na Aruba di 24 aña di edad. Causa  di e morto ta hogamento.

Omar ta un hoben cu riba su mes ta casi “biba” na laman. E ta duna zwemles na muchanan y den su tempo liber e ta sambuya. E tabata cu algun amigo sambuyando, cu jumbo bisti na su curpa pa e bay mas profundo. Parce cu biniendo ariba, oxigena a caba y el a opta pa yena su pulmonnan cu awa, pero e no a kita e peso mara na dje, cu consecuencia cu el a bay abou den bes di bin ariba.

Omar ta yiu di e politico Norman Kuiperi (MAS) y Monique van Embden, kende ta Director di IBISA. Hopi forsa na henter famia den e momentonan dificil aki. Cu Omar sosega na paz.