Diadomingo anochi un hoben femenino a haya accidente riba e caminda di Malmok. E tabata stuur un Honda Pickup color preto A-59852. E no tabata su so den auto. Riba e caminda di Palm Beach direccion Malmok a yega den e birada cu semi crusada pa bay direccion Arashi. Mirando e velocidad poco halto a coy un birada mucho grandi drentando Malmokweg.
A bay dem robes dal duro cu e wheel dilanti banda di chauffeur den e acera. E wheel a kibra full y esun patras tambe a kap. E airbag den banda di pasahero a bula. E auto a sigui lastra para como 20 meter mas pariba. E hoben chauffeur y otro den e pickup no tabata herida. Solamente poco spanta.
Polis a presenta y atende cu nan. A yama nan seguro pa tambe presenta na e sitio. A yama takelwagen tambe pa bin kita e auto cu a keda parcialmente riba caminda. Algun amistad tambe a core yega pa bin mira kico a sosode. E polisnan a cera e caminda na dos banda pa asina desvia e trafico. E gastonan pa drecha e auto ta hopi.
