Hoben sin rijbewijs a ocasiona accidente

Tabata pa mas o menos 12 or y 30 riba un diadomingo marduga ora cu un Toyota Yaris cu varios hoben aden a sali dilanti di un Kia Rio na e crusada di John G Eman straat cu Emmastraat. Den e Kia Rio tabata tin un mama cu su dos yiunan bayendo direccion di cas. E yiunan den e Kia Rio no a ricibi sla fuerte pero si a ricibi atencion medico mirando cu nan tabata spanta di e impacto. Polis a detene e manehador femenino di e Yaris mirando cu e no tabata tin rijbewijs y e auto no tin ningun papel tampoco. E pasahero dilanti den e yaris a ricibi basta golpi y tabata keha hopi di su nek. A brind’e asistencia medico na sitio y a transporte pa hospital pa atencion medico avansa.