Diadomingo 7 di maart 2021 alrededor di 08:20 am Central di Polis a ricibi informacion di un
pleitamento serio cu tabata tumando luga na un adres na Juan Domingo bij Mahuma.
Mesora a dirigi un unidad na e sitio.
Djis un rato despues a drenta otro informacion cu na e mesun adres aki habitantenan a
tende varios tiro, pa despues tuma nota di un homber cu a bin cay abou herida, den cura di e
cas.
Na yegada di e unidad nan a bin topa en berdad un homber drumi den e cura cu varios
herida di bala na su curpa. Mesora a pidi presencia di ambulance, cu na nan yegada no por a haci nada mas pa e victima. Ta trata di e homber Almier Godett, naci na Corsou dia 26 di september 1982. E tabata activo riba e lista politico Trabou pa Corsou. Ta parce cu tabatin un problema entre un familiar y otro persona cu a escala. El a trata di interveni y el a haya tiro.
Continuando cu e investigacion, polis a bay na un adres den Mahuma Kaya O, na unda a bin
topa diferente cashi di bala cu a keda confisca. Na e mesun sitio ey, a detene alrededor di 09:00 am e homber sospechoso M.M.M. di 36 aña di edad naci na Corsou, pa e caso di asesinato ariba menciona.
Alrededor di 10:30 polis a detene na e prome sitio di incidente, esta Juan Domingo bij Mahuma, e homber sospechoso S.S.G. di 33 aña di edad naci na Corsou, pa destruccion. A presenta ambos sospechoso dilanti di un fiscal auxiliar cu a ordena nan encarcelamento pendiente di mas investigacion. Palabra di condolencia na su famia.
