Basta asistencia Polisnan a haya nan mes cu ne den fin di siman, un mas serio cu otro. Un di nan ta un caso cu a sosode banda di sector di hotel, un problema entre dos hoben cu a caba den hincamento.
Tabata un poco despues di 8’or di anochi tabatin hopi gritameno y movecion banda di Palm Beach Plaza pa un pelea cu tabatin entre dos hoben. Segun por a compronde for di personanan eybou, un mucha homber a haya un hinca den pecho cu un arma blanco (un obheto skerpi). E agresor, kende tabata riba bais, a bay for di e sitio.
Ambulance a cuminsa trata e hoben eybou y despues a hib’e hospital. Diferente patruya a cuminsa cu un buskeda den bisindario pa e sospechoso, pero no a logra hay’e.
