Diabierna anochi polis alrededor di 7:11 pm a presenta cu urgencia dilanti Doña Clara Building den Playa p’un caso di hincamento. Un total di tres patruya di polis di polis a presenta n’e sitio.
Ora a yega, testigo a conta cu un grupo di hende homber a bosha y agredi te hinca un hoben. Mirando cu e hoben tabata herida, a lag’e sinta mientrastanto den un di e negoshinan pendiente yegada di ambulance.
Polis a tuma declaracion di varios testigo, kende lo contribui n’e proceso investigativo. Claro, camara di siguridad den e area lo yuda grandemente pa saca afo ken t’e agresor.
Durante henter dia, tur cos tabata relativamente keto den cuadro di desaroyo policial, pero asina cu solo a baha, a cuminsa nota mas movecion. E team forensico di polis tambe a presenta n’e sitio.
