E hoben Marvin Eyra a nace na Aruba, un dokter gradua na Universidad di Amsterdam (VU Medisch Centrum), hunto cu su colega y business partner Muchanit Yalaniz tambe gradua como dokter na VU Medisch Centrum, a landa riba mercado Hulandes e producto BRAINCAPS. Cu un mundo cu mas y mas ta bay cambiando, nos a bira sernan humano cu ta traha mas den menos tempo. Saca mas for di nos mes ta algo positivo pero cu ta bini tambe cu mas stress y hopi biaha nos energia no ta suficiente pa logra tur nos meta.
Esaki ta conta pa tanto adulto como studiantenan cu den temporada di examen un estimulo extra pa e mente ta necesario. Di e forma aki a nace e idea pa trece BRAINCAPS na Hulanda. E ta un suplemento natural cu ta sano pa nos curpa y cu ta stimula e concentracion di cada persona. Cada ingrediente ta natural y a ser declara sano pa European Food Safety Authority.
Mientrastanto e clientela no ta solamente studiantenan sino a ser amplia pa abogado- y negociantenan.
Marvin mes ta actualmente bezig cu un otro producto cu a caba di ser lansa riba mercado. Ta trata di BRAINCAPS NIGHT pa esunnan cu kier disfruta lo maximo di nan soño. BRAINCAP NIGHT ta stimula e ritmo di sosiego natural y e restoracion mental despues di un dia druk di trabao.
Prensa Hulandes manera NOS y FunX radio ta dedicando e atencion necesario na e productonan aki. Ta e deseo di Marvin Eyra pa e por brinda Aruba y tur studiante Arubano na Hulanda su producto.
Pa mad informacion por subi: www.braincaps.nl. Tambe por bishita e Facebook page di Marvin Eyra of instagram.com/marvin.renato.
