Roslyn Schwengle, studiante di e ultimo aña di Bachelor in Fine Arts na Hanze Hogeschool Minerva, na Groningen ta splica di un exposicion cu e studiantenan di e ultimo aña lo bin cun’e, cual ta forma parti di e fase final di nan estudio.
Roslyn ta cuminsa na splica cu ta un tradicion di Minerva cu e studidantenan ta haci un exposicion pa nan haya un green light pa bay na e siguiente fase di nan examen, pa nan gradua. Si nan haya e ‘red light’, nan lo no por participa den e ceremonia di graduacion, vooral esun di 2021. Tin en total di 55 participante den e Exposicion di Green Light, y por wak e expo aki online riba e portal www.greenlight.live
Motibo di e tema ‘Greenlight’, ta door di cu ta haya e ‘greenlight’ pa sigui pa e siguiente paso di e examen. E ta forma parti di nan evaluacion cu nan ta haciendo, si nan ta logra bay pa nan examen final. Si nan haya ‘red light’, esey kiermen cu nan no por sigui cu e otro examen y participa den e ceremonia di graduacion.
CONTENIDO
E concepto y tema di e exposicion ta trata di e ‘art compass’ cu por relata na e compas politico. Den e compas aki tin cuater direccion. Tin e actitud di e artista, cu ta bo ‘craft’, cu ta focus mas ariba su medium. Por ehempel, un pintor ta wak ki sorto di verf e ta bay uza riba su canvas. Esaki ta sigui pa e concepto, e concepto di trabou, e concepto di e trabou di e artista. Y kico e trabou ta encera, e ta hopi mas cu ambiente. Tambe nos tin nos plataforma, cu tin un ‘inside’, cu ta nifica unda e artista lo pone su trabou. Aki mester pensa riba museonan, galerianan, tur cos relata na e idea di kico arte mester ta. Tambe tin e ‘outside’, esaki ta mas contra e idea tradicional di arte, arte na cas di famia, ta un ehempel. Esakinan tur ta e cuater terenonan, cu ta e ‘inside craft’, e ‘outside the concept; y ‘inside concept’. E artista tin e choice di kies unda nan ta pone nan mes den e compas, y di unda nan ta para al momento den nan studio y unda nan ta wak nan mes den futuro. A kies pa haci’e na e manera aki, ya cu tin asina hopi diferente categoria y no a limita na kies un solo sistema, pa no limita e artista. A kies pa e sistema di compas, e ta hopi mas cla riba kico nan ta kies.
FUTURO
E futuro ta pa e studiantenan di Minerva caba cu nan estudio, pa nan tin e show en persona, of online, door di e pandemia. Como persona, Roslyn lo haci su best pa gradua. Y despues e ta wak su mes ta traha muralnan grandi, ta participa den competencianan, pa tin su mesun exposicion den un museo of galeria den futuro. E ta kere cu e lo yega eynan algun dia.
Por ultimo, Roslyn ta gradici tur e studiantenan cu ta trahando duro pa nan por gradua e aña aki. Un danki na e scol, e maestronan cu a guia e studiantenan. Specialmente na e colaboradornan cu a traha e website for di nada, y na un y tur cu a para su tras pa e por ta unda cu e ta para awe.
