Hoben artista ta crea obra di arte como proyecto di scol

Despues cu su tata a publica un cuadra sumamente impresionante riba Facebook, 24ora.com a acerca e hoben Melody Ruby Lacle, p’asina e por duna un bista di e obra cu el a pinta. Ta trata aki di un proyecto di scol, cual e alumnonan a bin ta haciendo demostrando asina nan habilidadnan.

Melody a scoge pintamento y ta inspira riba e artistanan di era impresionista, van Gogh y Monet. El a crea un obra ilustrando e toren di Eiffel sumamente gigantesco. Melody tin basta cuadra pinta, vooral durante cuarentena, unda cu e tabatin mas tempo.

El a pinta un cuadra particular y segun Melody, e ta bay bende y sigur e lo bay sigui pinta, mirando cu esey ta un di su pasionnan. Fuera di ta pinta, e ta gusta basketball, gusta canta y ultimamente weldermento, un habilidad cual el a siña for di su padrastro.

Por ultimo Melody ta manda un conseho pa demas hobennan den nos comunidad: “Haci loke bo gusta. Haci bo hobby, sea kico cu e ta. Bay den dje. Hobby ta algo cu bo gusta y ta haci bo feliz. Tur hende merece pa haci algo cu e gusta.”

Hoben artista ta crea obra di arte como proyecto di scol

Hoben artista ta crea obra di arte como proyecto di scol

Posted by 24ora on Saturday, February 27, 2021