Diaranson despues di 12:30 pm, a drenta informe cu un brommer lo a accidenta na altura di Reality Supermarket, den Caya Soledad.
Segun informacion, e motociclista a lora drenta e caya, ora cu na banda contrario un KIA Picanto colo bruin, diripiente a bin riba dje.
E motociclista a splica cu el a mira cu tabata trata di un hoben cu tabata tra’i stuur, aunke cu e tabata mas enfoca riba caminda. Den un maniobra e auto a pasa dal n’e pia di e motociclista.
Esaki a haci cu e motociclista a perde control riba su brommer, a dal contra acera y a cay abao.
Esaki a causa daño na su paña como tambe e brommer cu tabata practicamente nobo.
Roadservice y polis di trafico a bin n’e sitio pa asina cuminsa cu nan investigacion.
E motociclista tabatin algun rasca na su curpa, pero nada di gravedad.
