Diasabra, pa mas of menos 8’or y 40 di anochi, polis ta bay pa un accidente entre un Nisan Skyline y un Suzuki Liana cu a sosode net p’ariba di Huan Zhan. Aparentemente e chauffeur di e Skyline lo a dal contra di e Suzuki Liana y a bandona e sitio.
Na momento cu polis a presenta, e dama chauffeur a conta polis kico a pasa, mientras tanto polis a ripara cu e Skyline a pasa den e vecindario cu el a causa e accidente. Mesora polis a haci un buskeda di e auto y a bin hay’e finalmente den Montaña Park.
A atende cu e chauffeur, kende a para riba cu den ningun momento no a mishi cu ningun auto. A pone e persona aki supla, mirando cu e tabata actuando tiki sospechoso y a bin saca afo cu el a pasa e limite stipula. Mesora a manda pidi pa un transportwagen pa hiba e chauffeur iresponsabel aki warda. A detene door di a core auto bao di influencia di alcohol y riba dje e auto su papelnan no tabata na ordo. Tambe un takelwagen a presenta pa asina bay cu e auto warda di Shaba pa mas investigacion.
