Un chauffeur cu jeans preto, pechi cora a causa basta accidente riba caminda.
El a dal prome na Matadera y huy cu e auto. Despues den su huida a subi caminda na Tanki Leendert y dal atrobe pabou di Kapel y laga basta daño atras y tambe hende herida. Polis di trafico a yega mesora na e sitio y pidi refuerzo pa sera caminda.
Tres auto cu hopi daño material y tambe dos persona inocentemente herida. Uno tabata mas grave cu otro. E chauffeur cu tabata huy pa e hit and run y cu a causa e accidente atrobe a core na pia bay zuid. Polisnan a cuminsa un buskeda.
E chauffeur di e auto cu el a hit and run na Matadera a presenta tambe na e sitio. El a papia cu polis riba su sucedido. E V-Wagen Optra e chauffeur cu a huy tabata core y causando e desgracianan riba caminda.
E auto ey a keda kibra atras. Tambe ora el a dal den un Toyota a pone e vehiculo zwaai y subi caminda net ora un SUV CRV tabata riba caminda di preferencia.
Eynan tambe e Honda CRV a dal hopi duro. Tur tres auto no por a sigui core y cu takelwagen a halanan for di caminda. Paramediconan di Ambulance a atende cu e dos heridonan di cual uno cu sangramento basta pisa na nanishi.
