Hit and Run cu herido na Buena Vista

Diahuebs anochi a sosode un accidente na Buena Vista. Polisnan di trafico a wordo manda mesora pasobra tin hende herida.  Na yegada a topa cu un auto Nisan Tiida A-24255 cu a accidenta contra un otro auto. E otro auto BMW a bandona e sitio mesora. E Nissan a baha full na banda di caminda. Na sitio por a mira piezanan kibra di e auto cu a bandona sitio. Polis a busca pa nummerplaat di e auto cual por a keda benta un caminda cerca pero no a logra haya nada. Un dama a sufri herida leve na cabes y a wordo yuda door di personal di ambulance na e sitio.