Den e siman benidero, lo bay tuma lugar e Rogue Weightlifting Challenge na the Arnold Sports Festival na Columbus, Ohio. Esaki ta un evento di nivel brons cu ta clasificacion pa e Weganan Olimpico Tokio 2020. Nos federacion di pesas, Aruba Amateur Weighlifting Association tambe lo forma parti di e magno evento aki unda lo participa cu dos atleta cu ta forma parti di seleccion di Team Aruba.
E atleta femenino, Nathaly Geerman ta entrenando duro y ta den un bon condicion fisico unda e lo competi den categoria di 76kg femenino. Tambe Aruba lo competi cu e hoben Laertes Araque den categoria di Youth cu ta dispone di un tremendo condicion y lo competi den categoria di 89kg. Coach internacional Walter Llerena lo ta e persona encarga pa guia nos dos atletanan den exterior.
Stichting Sportsubsidie Aruba ta contento di por aporta y brinda e ayudo na e federacion di Amateur Aruba Weightlifting Association, cu lo competi cu dos atleta den e Rogue Weightlifting Challenge na the Arnold Sports Festival na Columbus, Ohio
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
