Diadomingo den oranan laat di anochi, a manda Polis cu urgencia den direccion di Sero Patrishi. Den e casnan di Pueblo un persona a yega pidiendo auxilio cu varios herida di hinca. Polis a yega y pidi pa ambulance.
A nota cu e victima tabatin un hinca den custia y den barica dos. Segun e victima na un cas den cercania el a wordo hinca pa un persona cu e conoce pero no sa su adres.
Polisnan a logra haya sa unda precies y a bay na e adres. Eynan a topa cu e agresor cu keda deteni mesora. Recherche a wordo avisa y tambe Cuerpo Tecnico di Polis. Nan a presenta na e sitio y asina a cuminsa cu investigacion. A confisca e arma usa den e hincamento. No ta conoci e motibo di hincamento.
