Tipo di noticianan positivo asina sa ta scars, pero awe un empleada di Aruba Airport Authority N.V., Vivianne Jansen, a reacciona riba yamada cu a drenta di e counter di KLM, bisando cu un pasahero tabata check-in y dado momento a sac den otro. Pasaheronan a bay den panico y a bati alarma. Empleadonan di Aeropuerto ta bon prepara pa bay den accion si un pasahero bira malo.

Den e caso aki ora e counter di KLM a bati alarma, mesora Jansen a bay den accion y a cuminsa reanima e pasahero local mesora. E tabata mustra un persona sin pulso sin nada. E reaccion rapido y conocimento a yuda. Mientras cu ambulance tabata na caminda, e trabou pa rebiba e pashent a sigui. Tabata un pasahero local masha conoci, comerciante retira cu edad halto, J. Illes. Ora Ambulance a yega, e paramediconan a tuma over.

E pasahero a bay hospital unda dokternan a tuma over. Por a sinti na Aeropuerto un ambiente di satisfaccion pasobra coleganan prepara a reacciona y scapa un bida. Hasta riba rednan social a mira publicacion di conocinan cu a sinti nan mes yama pa elogia e empleada di Aeropuerto cu a reanima e pasahero y scapa su bida.

Comments

comments