Herido den accidente mainta trempan na Camacuri

Diaranson mainta trempan a sosode un accidente riba e caminda di Playa pa San Nicolas. E tabata na altura di Aruba Bank Camacuri. Un chauffeur cu un Camry tabata bayendo direccion Oranjestad.

E chauffeur tabata pasa auto y un truck grandi. E di tres auto tabata un pickup Nissan. E chauffeur di e Nissan a pone señal pa e lora man robes pa para banda di e cura di airport. E no a paga tino cu e Camry tabata pasando varios auto.

Den un fraccion di seconde e accidente a sosode. E pickup a lora dal den e Camry y e chauffeur cu e Camry a perde control bay dal den palo di lus. E chauffeur di e pickup a keda levemente herida y cu ambulance a hibe Hospital. Daño material ta basta.