Manera cu Henk Meijer a yega Aruba training a sigui na Tarcisius Kleuterschool situa na Mabon unda cu e team di “Train Hard Fight Smart” ta train.Henk Meijer a bin pa un solo meta pa clasifica pa e Pan Americano.
Manera cu Henk Meijer a bisa, awo ta nos oportunidad y nos no ta bay laga esaki pasa nos voorbij. Nos a cuminsa cu un meta desde aña 2015 unda cu nos a bay Korea. Despues di Korea nos a cuminsa prepara e team di Brazil Taekwondo Stichting pa futuro.
E stap aki kisas tabata grandi pero mirando con e muchanan a desaroya nan mes, nos ta wak cu nos ta ariba e caminda grandi. Nos mester ta realistico cu tur cos cu nos ta haci den bida cu ta keda un reto. Alberto Klabér tabata un alumno di Henk Meijer durante e añanan ’90. Henk Meijer a prepare pa e por a logra varios titulo na Hulanda y Europa y awe ta e rumannan Jourdè y Záhyon Klabèr e ta prepara. E reto ta sigui unda cu e tata a para. Awo aki e focus ta pa clasifica y despues por sigui cu e plan pa Peru. E plan ta pa ambos ruman Klabér bay Europa e aña aki pa asina nan por sigui cu e desaroyo manera a menciona caba.
