Hendrik Tevreden: Miguel Mansur ta discrimina tur cu ta contra matrimonio di mesun sexo

E ta keda un topico hopi sigui riba nos isla. Ta mira for di ambos banda den parlamento, e politiconan ta cuestiona otro nan opinion. For di MEP pa Accion 21 y vice versa pa AVP pa Accion 21, en fin, ningun partido no ta riba mesun liña. Den coalicion ta mesun cos, RAIZ y MEP tampoco ta riba e mesun liña riba e topico di matrimonio di mesun sexo.

Hendrik Tevreden ta di opinion cu Miguel Mansur ta un persona dictatorial y cu ta bay asina leu cu kier persigui nan. Pues por conclui cu Mansur lo por ta contra persona nan cristian. Tevreden ta di opinion cu Miguel tin un problema serio mirando cu mas di 90% di e poblacion ta un creencia cristian. Den un pais democratico, tur hende tin derecho di vocifera nan opinion, segun Tevreden. Mansur no ta respeta e echo aki y kier persigui nan.

Parce Mansur a puntra e grupo manifestante di ki forma nan ta contribui na e pais aki. Tevreden na defensa di e grupo manifestante a duna di conoce cu; e cristian catolico a inicia cu scol, centro di cuido, ayudo social y mucho mas riba nos pais. Mansur ta leu di historia y no sa kico ta come y bebe den e nacion aki. Hendrik Tevreden di su banda tambe kier sa di ki forma Miguel Mansur ta contribui na nos pais. Awo e kier sa cuanto placa Miguel Mansur a paga na pais Aruba y cuanto tempo el a inverti den nos pais, pues e no tin derecho di cuestiona otro si e mes no a contribui.