Hendrik Croes: Aeropuerto nunca a stop di traha y prepara su mes pa e normal nobo

Awe tabata asina leu cu a cuminsa ricibi vuelonan for di Merca, e mercado di mas grandi, turisticamente, pa Aruba. Cuatro vuelo a yega tras di otro, treciendo turistanan for di Charlotte, Newark, Miami, New York y Boston.

Vocero di aeropuerto Hendrik Croes a expresa cu nan di Aruba Airport Authority (Triple A) tabata cla pa e momento aki. For di maart a cera frontera di Aruba, sinembargo trabou no a para, segun Croes a splica. E vuelonan a stop, pero gerencia di aeropuerto a cuminsa prepara su hendenan pa e fase nobo.

Hendrik Croes: Aeropuerto nunca a stop di traha y prepara su mes pa e normal nobo

Hendrik Croes: Aeropuerto nunca a stop di traha y prepara su mes pa e normal nobo. Click link pa mas https://24ora.news/3iKTxGV

Posted by 24ora on Friday, July 10, 2020

A traha pa crea un experencia nobo pa e bishitantenan, pa e bishitantenan ta prepara pa e normal nobo. “Nos ta sumamente contento con e fluho a bay mas lihe di loke nos a spera, mescos e coordinacion, y e extra step pa e forma nobo cu nan mester pasa aden,” Croes a splica.

Pa e fin di siman aki aeropuerto ta spera pa ricibi 4 mil pasahero, no solamente for di Merca. Si haci un compara di e aña’ki, e mesun fecha, aña pasa a procesa 11 mil pasahero compara cu e 4 mil pasahero di e aña’ki. E ta un comienso y den un forma gradual e lo sigui subi,” Croes a expresa.

Pa esnan cu ta biaha pa exterior ta bon pa averigua cual ta e exigencianan.