Hende muhe cu ta duna lech’i pecho y hende muhe na estado por vacuna

Vaccine injection procedure for a pregnant woman, cropped view without face

Departamento di Salud Publico a haya autorisacion pa cuminsa brinda vacuna di Pfizer na hende muhe na estado. Esaki ta posibel despues cu estudionan haci a keda cla y ta indica cu e vacuna di Pfizer ta uno sigur pa proteccion di e mama y di e yiu.

Esunnan cu ta dunando pecho tambe por vacuna awo contra COVID-19 sin ningun precupacion y por sinti trankilo, pa motibo cu e baby atravez di e lech’i pecho tambe lo ricibi e anticurpa desaroya den e sistema di e mama, cual lo brinda e baby proteccion. Ta invita tanto mama dunando lech’i pecho como dama na estado pa pasa libremente na e localidadnan di vacunacion. Por scoge segun conveniencia, na Teresita Center (San Nicolas) of Centro Libertador Betico Croes (Santa Cruz). No ta necesario pa haci un cita. 

Corda cu tur persona 18+ por cana yega y nos personal lo yuda cu registracion pa vacuna mesora. Pa haci e proceso di registracion mas facil por download Aruba Health App y registra prome cu yega e priklocatie.Vacuna ta un acto di solidaridad y reponsabilidad conhunto. Ningun por keda atras. Vacunacion lo trece nos hunto atrobe!