Diaranson anochi polis a presenta den Hendrikstraat p’un homber bou influencia y agresivo. Na nan yegada, a topa cu un homber lomba afo y cu intencion pa tira tur hende cu boter. Polis a mand’e suela mesora. Mientras cu tabata atende cu ne den e bar. Un grupo di persona a forma nan mes di un forma strategico pafo di e bar pa comenta riba e homber su actonan y con polis ta atende cu ne.
Mientras cu algun tabata contento con polis tabata atende cu ne, otro tabata comenta cu ta for di trempan e homber a drenta e bar y a vloer un boter di Palmera di 1 liter su so. Su luz por poco a paga.
Ta mustra claramente cu e alcohol a traha di biaha cu ne. A carga e homber hinc’e den e transporte policial. A hib’e pa warda di polis caminda lo present’e dilanti un subfiscal kende lo dicidi sea riba su encarcelacion of libertad.
