Hefenan di Polis di Caribe Hulandes a topa otro

379

Recientemente a tuma luga bishita di cortesia di trabou di Alto Comisario di Polis di Aruba, Corsou, Sint Maarten y islanan BES na Hulanda. Durante simannan di trabou na Hulanda a haci bishita na Koninklijke Marechaussee na Schiphol, Dienst Landelijke Operationele Samenwerking (DLOS), Financial Intelligence Unit (FIU), Politie Academie, het Nederlands Forensisch Instituut (NFI), de infocel Cariben, e Team High Impact Crimes (HIC) di Rotterdam, Ministerio di Binnenlandse Zaken en Koninkrijksrelaties.

Tur esaki den cuadro di un bon relacion den Reino Hulandes y hunto por haci e trabou aki mas centraal. A bishita Korpschef di Hulanda, Erik Akerboom un encuentro cu a tuma lugar na e oficina principal na Den Haag. Hunto nan a elabora y repasa riba diferente temanan cu ta importante pa traha hunto bou di un solo dak den Reino Hulandes.

Un di e momentonan special pero tambe un momento pa recorda dicon ta importante pa traha hunto ta loke cu a sosode cu nos isla ruman Sint Maarten. Korpschef Carl John di Sint Maarten a mustra su coleganan un video di e impacto di horcan Irma di dia 6 september 2017. “Ta danki nan e sosten di Hulanda y na tur otro coleganan y islanan ruman cu a yuda nos pa pone Sint Maarten bek riba pia”. Esaki ta e motibonan dicon ta importante cu nos relacion di Cuerpo Policial Aruba ta importante den Reino Hulandes.

Un momento importante cu e Korpschefnan a haci un bishita di trabou na Hulanda pa reforsa e union den Reino pa cualkier calamidad pero tambe temanan cu ta encera husicia y pa combati criminalidad hunto.